YP

♥ فصل الصيف عملنا كتير إشياء، رسمنا، ولعبنا بالمواد، وتعرفنا على حواسنا أكثر، وقوّينا عضلاتنا وتركيزنا، وتعرفنا عالألوان والأشكال والأرقام عن طريق ألعاب وفعاليات ربطت الفن والعلوم والموسيقى واللغة والرياضيات والإبداع
وأهم شي إنه عملنا أصدقاء جداد ولعبنا مع بعض وشاركنا المواد والمساحة
وهلا نحنا عم مندخل لفصل جديد.. الشجر رح يتغيّر شكله، وورد الصيف رح يدبل ويبلّش يطلع ورد الخريف، والشارع رح يكون مليان بالروق والورد المتساقط والناشف، والجو رح يبلّش يبرّد...
✶ فصل الخريف رح نفوت على عالم خلق وبناء أشكال وزينة فنيّة لانه مليء بالألوان والتفاصل اللي رح تخلّي الأطفال ينسحروا بتفاصيله وتغيراته ويتعلموا عن طريق المراقبة والملاحظة، والسمع، واللمس، والشم، والإحساس والفن اللي هوي جزء أساسي كيف نربط جميع الحواس بطريقة مرحة ومبدعة

♥ مشان هيك هاي الورشة رح يكون فيها 3 نشاطات:
- رح نعمل جولة بالحديقة لنجمع مواد معينة نستخدمها للفن
- الطفل والأهل رح يعملوا أول زينة يدوية من وحي الطبيعة مع إستخدام مواد مناسبة لعمرهم تزيدها جمالا وتفاصيل (رح نتعلّم نعمل شغلتين)
- رح يكون في تلوين ولعب بالألون وتخبيص وخربشات مع مواد معينة على لوحة كلنا رح نشارك في عملها

* الألوان اللي رح نستخدمها معمولة بالبيت وطبيعية 100% ومناسبة للفئة العمرية (Organic- Homemade paint)

✶ الورشة مصممة لتخلق حب الإستكشاف في الطفل (1 - 4 سنوات)، ولتعطي وقت مميز له و للأهله تبنى فيها علاقة دافئة ومراقبة مرحة للأهل، تعلّم الطفل من هذا العمر الصغير كيفية استعمال العضلات الدقيقة وأطراف اليد بشكل طبيعي، والتعلم عن ألوان فصل الخريف، وبداية استكشاف مواهبه لأننا سنغوص في الطرف الإبداعي في الأطفال عن طريق خلق زينة لغرفتنا أو البيت، والجدارية ستخلق جو من اللعب الحر والتعبير والترفيه عن النفس من دون قيود مع مجموعة من الأطفال مما سيعمل على حث الطفل على مشاركة المساحة والمواد والأشكال والألوان

♥ نلتقي:
- يوم الجمعة،٢٢.٩.٢٠١٧ ، الساعة ٤:٣٠ حتى الساعة ٦:٣٠
- المكان:مركز خليل السكاكيني الثقافي
- الفئة العمرية للأطفال : 1 - 4 سنوات
- التذكرة:٥٥ شيقل/ طفل

* التسجيل ضروري، الفعالية مصممة ل ٢٥ طفل فقط . للحجز: 0595290299

كل الحب،
فن وسلام