YP

★ مين منا بيعيش هاد السيناريو وحابب يلاقي الحل مع أطفاله ؟
عالأقل مرة بالأسبوع كل ما نطلع مكان مع أطفالنا ويشوفوا شغلة بيحبوها بيبلش النق.. يا ماما بدي هاي وحبيت هاي، وما عندي مثل هاي، وبوعدك أكون شاطر إذا بتجيبلي هاي ، وآخر آخر شي بوعدك.. بدي هاي بس هاي !

اكيد في السوق كتير إشياء حلوة بتلفت نظر الأطفال لعدة أسباب، ونحنا على قد ما منحب أنه ما نكسر بخاطرهم بأي شي، بس مش كلشي منقدر نجيبلهم إياه عالحارك.. الحياة ومتطلباتها بتقيدنا بأولويات، والأهم للبيت وللأطفال له حق الأولوية بالمشتريات !

♥ أطفالنا لسا ما بيعرفوا صعوبة أنه نقدر انأمنلهم كلشي بيطلبوا مننا، لأنه لسا ما عاشوا قساوة الحياة العملية وطبيعة الحياة مع المسؤوليات والمتطلبات اللي ما بتخلص لترجع تبلش من جديد.. اكيد هاد الشي رح يجي وقته لما يكبروا ويصير عندهم وظيفة وقادرين يعتمدوا على نفسهم، لكن نحنا منقدر نعزز هاد الشي في اطفالنا من هلا عن طريق بناء المسؤولية والإعتماد عالنفس وتقييم ما هو مهم وما هو أهم والعمل للحصول على شيء بيحبوا لنقدرها وقتما تصير عنا. هاي نقاط قوة منقدر من عمر صغير نبنيها في أطفالنا ورح نشتغل عليها بكثافة في ورشتنا الجاي !

♥ في ورشتنا "حواشتي الفنية" رح نشتغل سوا لنبني ونرسخ المهارات التالية:
1. الإعتماد عالنفس
2. الإحساس بالمسؤولية
3. الصبر والعمل على تخزين بعض من المصروف لنشتري ما نريد أكان لنا أو لأي شخص نحبه
4.أن نقيم بأنفسنا ما هو أهم لنشتريه ؟ لعبة صغيرة أو
تحويشة اكبر شوي لدراجة هوائية مثلا ??‍♂️ ؟
5. هل حقا اريد أن أشتريه؟ أم أستطيع أن أصنعه بنفسي ؟؟

★♥ وبالطبع ما ننسى أهم المهارات اللي منشتغل عليها في كل ورشة من ورشات فن وسلام مثل التعاون، مشاركة المواد والأفكار، التجربة بحرية في نطاق ورشتنا وشو موجود من مواد، الصبر والمثابرة والعمل بدقة وحس فني، بناء ثقتنا بنفسنا عن طريق عملنا الفني، الإعتماد على النفس وعدم الخوف من الفشل، إكتشاف ذوقنا ولمستنا الفنية الخاصة فينا وبتميز أعمالنا وشخصيتنا ورأينا!★♥

♥ نلتقي:
- يوم الجمعة، ١١.٥.٢٠١٨ ، الساعة ١٢:٠٠ حتى الساعة١٥:٠٠
-يوم الجمعة، ١٨.٥.٢٠١٨، الساعة ١٢:٠٠ حتى الساعة ١٥:٠٠
- المكان: مركز خليل السكاكيني الثقافي
- الفئة العمرية للأطفال : ٥ - ١٢ سنة
- التذكرة: ١٥٠ شيقل/طفل


*التسجيل ضروري، الفعالية مصممة ل ٢٠ طفل فقط . للتسجيل: 0595290299

كل الحب ♥️ ،

فن وسلام